2015eko irailaren 25ean
BIDEOA IKUSI |
Gaur zuei utziko
dizuegu juzgatzen: ez zara askotan harritzen ikustean urteak bete ahala
bizitzan gauzak egiteko ilusioa galduz goazela?
Begiratu atzera une
batez, baina ez lehengo astera, umetako garaietara baino. Orduan uste zenuen
zeuk bakarrik asmatu zenitzakeen gauzak egiteko gai zinela. Gogoratzen? ...Bai.
Pentsatzen zenuen hegan egin zenezakeela Supermanek bezala, edo gazteluko printzesa
izan, eta printzea etorriko zitzaizula bila. Zeure burua imajinatzen zenuen
nagusitan, hazten ari zinen bitartean gustatzen ez zitzaizkizun gauza haiek
guztiak aldatzen, eta denetan onena... mundua jaten.
Bada, pentsatu momentu hori heldu
dela, dagoeneko nagusia zarela. Lehenengo eta behin, galdetu: pentsatzen
nuen horretatik ezer egin dut? Seguru asko, behin baino gehiagotan esango
zenuen “nagusia naizenean hau edo bestea egingo dut”. Beharbada, dagoeneko ez
duzu gogoratzen, ahaztutako helburu horrengatik borrokatu nahi zenuen eta
arinago hazi nahi zenuen arren.
Jakin badakigu ez direla pertsona
guztiak ekintzaileak izateko eginak; horretarako switch hori piztu behar da,
eta jakin behar da utziko diozula ohiko eremu erosoan egoteari, zure
beharrizanak beteta eta presiorik gabe.
Ekintzailea izatea ez da zoroa
izatea. Ur lasterraren kontra igeri egitea eta lortu nahi denarengatik
borrokatzea da, arriskatuz eta zalantza eginez, baina beti aurrera, nahiz eta
bidean estropezu egin, helburua lortzeko, helburua lortuko duzula sinetsita.
Garrantzitsua da jauzi egin
aurretik ondo planifikatzea, sakonean ezagutzea jorratu nahi duzun ingurunea,
eta zeure ekintza plana moldatzea.
Azken batean ekintzaileok zoro
samarrak zarete bai, baina arrakastaren bila ari diren zoro ausartak.
Orain zeuk erabaki
behar duzu zer paper jokatu nahi duzun bizitzan. Hurrengo superheroia izan
nahi duzu edo superheroiak salbatzen duen pertsona hori izan nahi duzu?
No hay comentarios:
Publicar un comentario