2015eko azaroaren 16an
Zenbat denbora ematen duzu zure dendaren itxura berrikusten, batez ere erakusleihoari dagokionez?
Zenbat denbora ematen duzu zure dendaren itxura berrikusten, batez ere erakusleihoari dagokionez?
Artikulu
honekin zuen dendaren atal bisualak duen garrantzia erakutsi nahi dizuegu. Zuen dendaren erakusleihoa "saltzaile ikusezin" bilakatzeko
pauso errazak helarazi nahi dizkizuegu. Pausook aplikatzea espero dugu;
horrela, salmentak areagotzeko aukera izango duzue, orain arteko lan bera
eginez!
Lehenengo eta behin, errotuluak ikusgai egon behar du.
Distantzia gorabehera errotulua ikusi egin behar da, eta ezinbestekoa da
logotipo bat ere izatea. Logotipoa identifikagarria eta argitsua izan behar da,
establezimendua identifikatzen lagundu behar duelako.
Paseatzen dabiltzanen
arreta deitu behar dugu, gure erakusleihoaren aurrean geldiarazi behar ditugu,
eta hori lortzeko modua sormenezko muntaia deigarri eta originalak erabiltzea
da. Erakusleihoa ez da denda txiki bat, erakusgai dagoen produktua erosteko
nahia eragin behar du. Hori dela eta, gomendagarria da erakusleihoak atzealdea
izatea, produktua soilik nabarmentzeko. Erakusleihoak ez du estatikoa izan
behar, egokiena hiru astetik behin berritzea da. Eta oso garrantzitsua da
erakusleihoa garbi eta kartelik gabe egotea!
Aipatutako guztia dela
eta, kontuan hartu behar dugu erakusleihoan irudizko hiru alde desberdintzen
direla: alde hotza (8, 7 eta 9 zenbakiak), alde beroa (2, 1 eta 3 zenbakiak)
eta alde epela (5, 4 eta 6 zenbakiak). Produktuak kokatzeko altuera ere
garrantzitsua da. Horiek alde beroan jartzea gomendatzen dugu, erakusleihoaren
erdialdean, oinezkoen begirada erakartzeko.
Irudian ikus dezakezuen
bezala, erdiko aldeari, begien altuerara kokatuta dagoenari, erreparatzen diogu
hasieran, horregatik da erakusleihoaren alderik beroena. Punturik beroenak,
erdikoa, ezkerrekoa eta eskumakoa dira, hurrenez hurren.
Zer dela
eta dauka ezkerreko aldeak eskumako aldeak baino lehentasun handiagoa? Mendebaldarrek
ezkerretik eskumara irakurtzen dugulako. Erdiko aldearen ostean, beheko aldeak
du goiko aldearekiko lehentasuna, eskuen eta oinen altuerara kokatuta dagoenak.
Hemen ere ibilbide bera egiten da: erditik hasita ezkerretara jo eta eskumako
aldean bukatu.
Bukatzeko, saltokira sartzeko atearen kokapenak duen garrantzia
azpimarratu behar dugu. Sarrerako ateak lokalaren eskumako aldean egon behar
du, eta gomendagarria da probagelak alde hotzean egotea, erosle posibleak
saltoki osoa ikus dezan.
No hay comentarios:
Publicar un comentario