Ba al dakizu zer den enplegu anezka bat?

2017ko irailaren 20a

Ezagutu Bizkaian 200 pertsonari baino gehiagori lana bilatzeko aukerak areagotzen lagundu dion programa.

Ezagutzen dituzu enplegu anezkak? Ezagutzen ez badituzu, lana bilatzeko oso baliagarria izan dakizukeen programa berritzaile hau azalduko dizugu. Dagoeneko ezagutzen baduzu, ez galdu ezer, DEMAk Anezka programaren bost deialdi izango baititu irekita urriaren 11ra arte, Bizkaiko hainbat puntutan. Zure aukera mundura jauzi egiteko!

Bilboko III. enplegu anezkarekin laneko bitartekaritza egitera goaz!

2017ko ekainaren 1a

Aste honetan, Bilboko III. enplegu anezka bere ibilbidearen amaierara iritsiko da. 5 hilabetean taldeko lanean aritu ondoren, anezkako parte hartzaileek euren arteko loturak lasatuko dituzte, eta aurrerantzean, nork bere bidea egingo du. Dena den, argi dute ez dutela lotura erabat hautsiko, taldeak izugarri eman baitie, nola maila pertsonalean, hala profesionalean. Gainera, DEMAk duela hilabete pasatxo martxan jarritako enLANzar programari esker, elkarrekin harremanetan jarraitu ahal izango dute.

Anezkaren azken faseko lanegun batean euren alboan egon nahi izan dugu: zehazki, enpresekin laneko bitartekaritza egiteko fasean. Eta, era horretan, prozesu hori nola garatzen den ezagutu dugu, eta, halaber, Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailak, DEMA-Enplegu eta Ekintzailetza Foru Agentziaren eskutik eta Santa Maria La Real Fundazioaren lankidetzarekin, sustatutako Anezka Programan parte hartu izanak ekarri dienari buruzko iritzia ere bildu dugu. 

Bizkaiko enplegu anezkek eta Taldekako kideek aurrera jarraituko dute “EnLANzar” programari esker

2017ko martxoaren 13a

Teresa Laespada foru diputatuak hitz hauek esan zituen joan den ostegunean egin zen Bizkaiko Anezken arteko Amaierako Topaketan: “EnLANzar programa zuen laneratze prozesuan lagunduko dizuen zerbitzu bat izango da. Uste dugu zuen ondoan jarraitu behar dugula, iritsi gaitezkeen lekuraino, guk zuekin jarraitzea nahi duzuen lekuraino”. Horrela, Bizkaiko Foru Aldundiko Enplegua, Gizarte Inklusioa eta Berdintasuna sustatzeko Sailak erantzun egiten dio Anezka eta Taldeka programetako kideek DEMA Enplegu eta Ekintzailetza Foru Agentziaren bidez aspaldi eginiko eskaera bati. “Jaso dugu zuen eskaria”, adierazi zuen Laespadak, eta honako hau erantsi: “zuen ondoan jarraitu nahi dugu, hegan egin dezazuen nahi dugulako”.

500 kilo eskola material Smararako

2017ko otsailaren 6a

“Desberdinak. Emakumeak eta gizonak, gazteak eta helduak, prestakuntza desberdina eta esperientzia desberdinak… baina jarrera positibo batek batzen gaitu, buru irekiak eta gure sormenak. Taldean lan egiten dugu, espiritu solidarioarekin, elkar ezagutzeko, pertsonalki nahiz profesionalki. Hauxe da gure proiektuaren oinarria, ilusioz hasi duguna, gure ahalmenak indartzeko eta enplegu arloan dugun helburura hurbilduko gaituzten trebetasunak garatzeko”. Horrela aurkezten dute beren burua Bidezkako kideek, Nerbioi-Ibaizabaleko Enplegu eta Ekintzailetza Solidarioko Anezka, eta espiritu solidario horri jarraiki, erronka bat ipini diote beren buruari: 500 kilo eskola material biltzea Smarara eramateko.

Bizkaiko Anezken Arteko I. Topaketa

2017ko urtarrilaren 25a

Joan den ostegunean –ANEZKA- Bizkaiko Anezken Arteko I. Topaketa egin zen Bilboko Burtsa Zentro Zibikoan, eta bertan elkar ezagutzeko aukera izan zuten probintziako anezka aktibo guztiek. Guztiek, Bilboko III.ak izan ezik, hark hasi berria baitu bere ibilbidea.

“Ertza bilatzen” duten kontaketa txikiak eta komikiak

2016ko uztailaren 11an

“Beste aldean”

"Atertu du. Hotz naiz. Blai-blai eginda nago, bakar-bakarrik, burua nahastuta. Ez dut beherantz joateko aukerarik ikusten. Gorantz… garai-garaia da mendia, eta inoiz ere ez dut eskaladarik egin.
Norbait igotzen saiatzen ari da, baina… herrenka dabil! Lagundu egingo diot. Erori egin da!
- Ongi al zaude? Ezin izango duzu gora egin hanka horrekin.
- Laguntzen badidazu, ahal izango dut
- Ez naiz mendizalea 
- Nahi izatea, ez duzu besterik behar. Goazen elkarrekin
- Heldu niri. Zer dago beste aldean?

- Aukerak, hemen ez baitago bizirik.
- Iritsiko al gara?
- Zure hankek ahal dute, eta nire esperientziak ere bai.
Mendi-tontorrean…
- Galduta nengoen
- Eta ni mugitu ezinik
- Hemendik pertsonak ikusten ditut
- Haiek ere ikusiko gaituzte
- Oraindik ez gara heldu
- Baina, elkarrekin gaudelarik, ez dugu amore eman. Helduko gara".

ANEZKA edo lan-merkatuan nola murgildu

2016ko ekainaren 16a

Bihar bukatuko da doako programa honen lau deialdietako batean izena emateko epea; horren bidez lana aurkitzeko aukerak handitu ahal izango dituzu.

Lan bila ari zara? Lan-merkatura sartzeko aukerak hobetu nahi baldin badituzu, DEMAk eta Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailak, Santa María la Real Fundazioaren laguntzarekin, aukera ematen dizute Enpleguko eta Ekintzailetza Solidarioko Anezka doako programan parte hartzeko. Lau eskualdetan dago deialdia irekita: Uribe Kosta, Busturialdea, Durangaldea eta Nerbioi-Ibaizabal. Zehazki, udalerri hauetan garatuko dira programa horiek: Sopelan, Bermeon, Ermuan eta Arrigorriagan, hurrenez hurren.